WAJYAGA WIBAZA BYINSHI KURI ZONE 51(AREA 51)? soma iyi nkuru

 

 

WAJYAGA WIBAZA BYINSHI KURI ZONE

51(AREA 51)?

 

iyi nkuru iragufasha gusobanukirwa

Mu Majyepfo ya leta ya Nevada ho muri Leta

Zunze Ubumwe za Amerika hari agace kiswe

Area 51 gakoreshwa n’ingabo z’iki gihugu

zirwanira mu kirere katemerewe kugerwamo

n’uwo ari we wese n’iyo yaba Perezida ari we

Mugaba Mukuru w’Ikirenga w’ingabo.

Aka gace gahere mu butayu bwa Nevada ahazwi

nka Groom Lake, nta ndege n’imwe yemerewe

kunyura mu kirere cyaho kuva mu myaka irenga

60 ishize, ariko mu 2013 nibwo leta ya USA

yemeye ko koko ako gace kagizwe ibanga igihe

kirekire kabaho.

 

Ikirere cyayo kingana na kilometero kare 1139.59

nta ndege yemerewe kukinyuramo kubera

amabanga menshi akomeye ku bibera aha mu

bijyanye n’umutekano wa USA.

Ni ho hantu harinzwe kurusha ahandi hose muri

USA yemwe no kurusha ingoro ya Perezida

(White House), dore ko twa drone twinshi tumaze

kurasirwa hejuru y’iki kirere tugerageza gufotora

ibibera aha.

 

U.S. Air Force F-117A ‘Nighthawk’ Stealth

Fighter ni imwe mu ndege zitabonwa na radar

zakorewe muri Area 51 Nyamara mu myaka

isatiraga gati 1960, muri Area 51 habaye ikibazo

mu bitwaro bya kirimbuzi bituma bamwe

batangira gukeka ibindi bityo hamara imyaka ibiri

nta kintu kihakorerwa harafunzwe ariko harinzwe

bikomeye.

Nyuma #CIA yahise itangira umushinga mushya

muri Area 51 wiswe “RAINBOW”, ari bwo bigaga

imitwe mishya yo gukoresha indege zitaboneka

kuri ‘Radar’ z’Abasoviyete kuko bageze aho

bagakeka U2 ndetse bakayihanura, bityo

bayisimbuza iyo bise A12.

 

Kuva intambara y’ubutita yatangira mu ntangiriro

ya za 60, CIA yakomeje gukora ibishoboka ngo

amabanga yayo mu rugamba USA yari

ihanganyemo n’Abasoviyete akomeze abikwe

bikomeye cyane cyane mu byerekeye n’intwaro

Abanyamerika batunze.

Area 51 yakomeje gufatwa nka laboratwari

ikomeye ku ngabo za Amerika cyane cyane

izirwanira mu kirere mu ntambara y’ubutita (Cold

War/Guerre Froide).

Ifoto ya mbere ya Area 51

Imwe mu ndege ya U2 yatataga Abasoviyete,

ariko nyuma baje guhanura imwe muri zo

Mu 1974 abahanga mu by’isanzure ba Skylab

bafotoye ifoto ya #Area 51 ‘batabishaka’ ku buryo

byateje impagarara hakikangwa kumena

amabanga amwe n’amwe nubwo byavugwaga ko

ikirere cy’aka gace cyafunze ntawe ushobora

gufata ifoto yaho ari mu kirere.

 

Nibwo ingabo za Amerika zirwanira mu kirere

zahitaga zihabwa ubuyobozi bidasubirwaho bwa

Area 51 maze batangira umushinga wo gukora

indege itabonwa na ‘radar’ bise “HAVEBLUE”.

Ni byinshi bivugwa kuri Area 51 kuko ari ho hantu

havugwa cyane ku Isi nubwo kandi ari hantu

hakomeye gutyo hagerwa n’abantu mbarwa kuko

n’ibikomerezwa byo ku Isi bitazi ibibera aha .